Zv.ministri i Brendshëm ‘kyç gojën’ ku e pyesin zhdukjen e biznesmenit italian, gazetarja ia plas të qeshurës

Zëvendës ministri i Brendshëm Julian Hodaj nuk ka pranuar të japë asnjë detaj në lodhje me zhdukjen e biznesmenit italian Davide Pecorelli.

Në një lidhje me Skype në “Open”, Hodaj është vënë me ‘shpatulla pas murit’ nga gazetaret Anila Hoxha dhe Klodiana Lala në lidhje me këtë rast.

Por, pavarësisht interesit të gazetareve, Hodaj tha shkurt se nuk ka informacione.

“Zv/ministri nuk bën hetime. Nuk kam as kuriozitet dhe asgjë që t’i futem një çështjeve që nuk më takon. Të kishin thirrur zëdhënësin e prokurorisë kur donit këto gjëra,”– tha Hodaj.

Ndërsa gazetarja Lala nuk e mbajti dot të qeshurën.

“Atëherë të mos kishit ardhur fare sot, kur nuk kishit informacion dhe asgjë për të thënë,”- tha Lala, ndërsa zv.ministri vijonte të mohonte të kishte dijeni mbi ngjarjen.