Tashmë zyrtare Sheikët e Arabisë Saudite blejnë klubin e famshëm të futbollit

Konfirmohet blerja e klubit të Newcastle United nga sheikët e Arabisë për shumën e 300 milion funteve. Marrëveshja është vulosur nga Premier League, duke dhënë kështu fund sundimit 14-vjeçar të Ashley dhe duke e bërë Newcastle klubin më të pasur në botë.

Fondi i Investimeve Publike të Arabisë Sauditë do të zotërojë 80 përqind, me vëllezërit miliarderë Reuben dhe financuesen Amanda Staveley që marrin nga 10 përqind secili, njofton The Sun.

Klubi i cili është në vendin e 19 në tabelën e klasifikimit është gati për një fillim të ri duke pasur pronarët më të pasur në futbollin botëror me një vlerë marramendëse prej 320 miliardë funtesh, duke kaluar ata të Man City-t dhe PSG-së.

Më çështjen e transmetimeve televizive të zgjidhura përfundimisht, Premier League nënshkroi marrëveshjen të mërkurën në mbrëmjë.

Dhe kjo i jep fund një sage dyvjeçare e cila filloi janarin e kaluar kur u arrit një marrëveshje prej 30 milion funtesh me Ashley. /abcnews.al