Pas sanitares një tjetër skandal me bombulat e oksigjenit, vidheshin dhe shpërndaheshin në…

Pas zbulimit dhe dënimit të sanitares Tire Alldërvishi e cila i ka zhavtur vajzës së një pacienteje 8 milionë lekë duke u shtirur si mjeke tek “Shefqet Ndroqi”, një tjetër skandal doli në dritë pak momente më parë në një tjetër spital.

Policia e Kavajës ka zbuluar se një fjalë 26-vjecar i cili punonte si oksigjenist në spitalin e kavajës ka vjedhur rreth 30 bombula oksigjeni që përdoreshin për pacientët e sëmurë nga virusi. Sipas autoriteteve përkatëse, punonjësi me inicialet M.Sh u’a ka dërguar këto bombula personave të ndryshëm nëpër banesa.

Ja njoftimi i policisë së Kavajës:

Mori pa autorizimin e institucionit mjekësor 30 bombola oksigjeni, arrestohet në flagrancë 26- vjeçari.

Sekuestrohen në cilësinë e provës materiale 30 bombolat e oksigjeni që ishin shpërndarë në banesa të qytetarëve të ndryshëm.

Specialistët për Hetimin e Krimit në Komisariatin e Policisë Kavajë, menjëherë pas njoftimit të marrë se shtetasi M. Sh., me detyrë oksigjenist i spitalit të Kavajës, kishte marrë rreth 30 bombola oksigjeni pa autorizimin e këtij institucioni mjekësor, për t’ua dërguar personave të ndryshme nëpër banesa, menjëherë kanë organizuar punën për zbardhjen e plotë të ngjarjes.

Si rezultat e një punë të vazhdueshme dhe veprimeve profesionale u bë arrestimi në flagrancë i shtetasit M. Sh., 26 vjeç, banues në Kavajë.

Ky shtetas ka marrë 30 bombola oksigjeni në institucionin ku punonte, pa autorizimin e drejtuesve, dhe më pas i ka shpërndarë ato nëpër banesa të qytetarëve të ndryshëm.

Materialet i kaluan Prokurorisë pranë Gjykatës së Shkallës së Parë së Rrethit Gjyqësor Kavajë, për veprën penale ‘Shpërdorim detyre”.