Numri 2 i LSI kërcënon kryeministrin: Edi Rama nuk i shpëton dot

‘Edi Rama nuk i shpëton dot drejtësisë për krimin me Pandeminë!’. Ky është paralajmërimi i nënkryetarit të LSI, Petrit Vasili drejtuar kryeministrit.

Përmes një video-postimi në Facebook, ku shfaqen deklaratat e kreut të qeverisë sa i përket masave anti-Covid, Vasili shprehet se, Rama bëri kryeministrin, epidemiologun dhe infeksionistin vetëm për qëllime politike.

Postimi i plotë i Vasilit:

Edi Rama nuk i shpëton dot drejtësisë për krimin me Pandeminë!

Menaxhimi i Pandemise u përqëndrua qellimisht ne grushtin e Edi Rames.

Rama bëri kryeministrin, epidemiologun dhe infeksionistin vetem per qellime politike.

Dështimi është provuar me fakte.

Shifrat flasin vetë dhe jane sot 700% me te larta se ne te ashtuquajturin Pik te pandemise ku maksimumi ishte 27 raste.

Përgjegjësia e Ramës është shumë e rëndë. Rendojnë mbi të dhjetëra jetë njerëzish e qindra e qindra të infektuar.

Meqënese SPAK nuk i gjen dot faktet për të filluar hetimin ndaj Edi Ramës për menaxhimin kriminal të Pandemisë po e ndihmojmë me deklarimet e rrezikshme dhe me pasoja shume te renda të Edi Ramës.

Lexojini vetë deklarimet e tij skandaloze:

Rama në 2 maj deklaronte:

“Albania the Best. Çudi e madhe ëëë?! Strategji jo, plan jo, teste jo e jo, mjekësi jo që jo, qeverisje jo dhe jo, po ja që kur hap sytë e shikon, na del Shqipëria më mirë se tërë dynjaja deri tani në bilancin e kësaj lufte të mallkuar”, shprehej Rama.

Ja çfarë thoshte po ky Rama në 2 qershor:

“doni, nuk doni ju që insistoni të flisni nga distanca sociale, ndërkohë që unë përgjigjem, ky është një sukses i madh fare i shtetit shqiptar, i shëndetësisë shqiptare dhe i popullit shqiptar, padiskutim – deklaronte Rama më 2 qershor.

Me 18 mars Rama refuzonte përdorimin e maskave:

“Maska nuk është e nevojshme nëse nuk jeni pozitiv. Po përdoret kot! Për shembull, po përdoret në supermarket sepse ekziston frika nga afërsia e tjetrit, por është e kotë”.

Me 17 mars Rama refuzonte të bënte testime, ja çfarë thoshte:

“Ne s’kemi nevojë për testime, duhet të sillemi sikur e kemi virusin, e të mbrojmë veten, të mos bëhemi shkelës të rregullave me idenë që ne s’kemi asgjë. Nëse bëhen testime për ata që kanë shenja të lehta mjafton marrja e masave, se në fund të ditës ju thuhet rrini në shtëpi, pra edhe kur testi del pozitiv u thuhet rrini në shtëpi, s’të merr njeri në spital për shenja të lehta, thuhet: rri në shtëpi”.

Me 27 maj e quajti te fituar betejen dhe deklaroi:

“Të dashur miq, motra e vëllezër,

Ky është komunikimi im i fundit ekskluzivisht për luftën që zhvilluam bashkarisht deri këtu, me atë që botërisht u quajt Armiku i Padukshëm, virusi Covid-19.”

Te nderuar zoterinj te SPAK ne VIDEO keni edhe mjaft prova te tjera qe edhe ne mos i shqyrtofshi ju sot s’ka asnje problem sepse “DREJTESIA VONON POR NUK HARRON”.

Ja deklaratat e Ramës nga 27 Shkurti e deri më sot: