“Një lajm i keq sa më s’ka”, Ylli Manjani del me reagimin e rëndësishëm

Shtyrja e datës për dhënien e vendimit për hapjen e negociatave me BE për Shqipërinë, për ish-ministrin e Drejtësisë Ylli Manjani është një lajm i keq sa më s’ka.

“Pa asnjë dyshim, mosmarrja e një date për t’u ulur në tryezën e negociatave për anëtarësim në BE është lajm i keq.

I keq sa më ska!

Tryeza e negociatave për anëtarësim është dritarja e vetme nga ku mund të shohim perëndimin.

Për fat të keq, anëtarësimi në OSBE, Këshillin e Europës dhe NATO nuk janë më të mjaftueshme për të garantuar standartet perëndimore në Shqipëri.

Na duhen ato negociata.

I duhen Shqipërisë.

I duhen shqiptarëve.

Ndoshta, nuk i duhen vetëm qeveritarëve. Atyre po, u prishin punë…

Shumë e trishtë kjo panoramë me perspektivë të zymtë dhe ndriçim të zbehtë…”, shkruan Manjani.