Mbytet një 75 vjeçar në Vlorë

E diela ka nisur me një lajm të keq nga Plazhi i Vjetër, Vlorë.

Sipas njoftimit paraprak të dhënë nga Policia thuhet se, një 75-vjeçar dyshohet të jetë mbytur në det, banues i Vlorës, i cili ka qenë duke bërë plazh i vetëm.

Policia ka mbërritur menjëherë në vendngjarje dhe po heton mbi sqarimin e rrethanave të ngjarjes.

Njoftimi i plotë:

Në orën 09:45, në lagjen “1 Maji” Vlorë, në Plazhin e Vjetër dyshohet se është mbytur në ujë shtetasi A.D., 75 vjeç, banues në Vlorë, i cili ka qenë duke bërë plazh vetëm.

Po kryhen veprimet e mëtejshme për sqarimin e rrethanave të ngjarjes. /albeu.com/