Lëkundje tërmeti në afërsi të Tiranës, ja ku ishte epiqendra dhe sa ballë

Një lëkundje tërmeti është regjistruar mëngjesin e sotëm në zonën e Durrësit dhe Tiranës. Tërmeti ka qenë me magnitudë 3.2 Rihter dhe është ndjerë rreth orës 06:56.

Sipas qytetarëve që kanë komentuar në aplikacionin e EMSC, lëkundja ka qenë e lehtë. Epiqendra e tërmetit është regjistruar në detin Adriatik, 36 km në veriperëndim të Tiranës. Deri më tani nuk raportohen dëme materiale.

Që prej tërmeteve të fuqishëm të Shtatorit dhe të Nëntorit të vitit të kaluar vendi ynë është përshkruar nga mijëra pasgoditje, që sipas ekspertëve janë tërësisht normale, për shkak se tërmetet me një fuqi të lartë shoqërohen nga paqëndrueshmëri të tilla sizmike.