“Lavatriçe për pastrim parash”, LSI i kthehet sërish Besa Shahinit: Na thuaj çfarë bëri Turi pastaj ik

Lëvizja Socialiste për Integrim ka vijuar sulmet nga i ministres së Arsimit Besa Shahini. Ish-deputetja e LSI-së Floida Kërpaçi, me anë të një statusi në “Facebook” shkruan se reformat e Rilindjes në arsim ishin kaq shkatërrimtare, sa edhe ministrja vendosi të lërë Shqipërinë.

Postimi i ish-deputetes së LSI-së Floida Kërpaçi:

Një përgjigje për shoqen e Turit dhe lavatriçen e pastrimit të parave! Na thuaj çfarë bëri Turi pastaj vendos të ikësh! Reformat e Rilindjes në arsim janë aq shkatërrimtare sa dhe vetë Ministria e Arsimit ka vendosur të mos jetojë më në Shqipëri. Ky është bilanci më fatkeq i një vendi të drejtuar nga të paaftë dhe sharlatanë që tallen me të ardhmen e të rinjve. Ndërsa velina e Edi Ramës mendon se qytetarët ende gënjehen me projektet 3D dhe PPP të tij. I themi Velinës së Edi Ramës, që Kampingu i Jalës është pasion, është dëshirë, është grup dhe frymë, është punë e kohezion.

Kampingu i Jalës është bashkim zemrash dhe individualitetesh për të ecur para së bashku dhe jo për ta ngrënë shokun pas shpine siç zvarraniku në Bashkinë e Tiranës ka bërë me shokët e tij në PS.P.S ;Boll tenderove nga 10 herë Sami Frashërin e gjimnaze të tjera për të vjedhur! Për Jalën të rrijë i qetë, atje nuk mblidhet as Vilajet Qyrku as Erion Veli por LRI.