Kush është marinari shqiptar me flamurin kuq e zi në anije që u gjet i pajetë në ujrat greke

Një marinar shqiptar është gjetur i pajetë në ujërat greke, brenda anijes së mallrave me flamur shqiptar. Mësohët se viktima është Ndue Nikolli, i cili ka ndërruar jetë pasi ka pësuar infarkt. Ekspertiza mjeko-ligjore ka bërë me dije se shkak për humbjen e 63 vjeçarit është bërë ataku në zemër.

Nikolli kishte pesë ditë në anije dhe vetëm sot është gjetur i pajetë nga agjenti i anijes me flamur shqiptar “BERGFJORD”. Shqiptari kishte rënë në tokë pa ndjenja në dhomën e motorëve të mjetit lundrues. Më pas agjenti i anijes ka infomuar Autoritetin Qendror Portual të Amaliapolis. Nikolli është transportuar më pas në spital me anë të një ambulance.