Kreshnik Spahiu del me deklaratën e fortë, zbulon edhe kur do të rikthehet në Shqipëri

Ish-kreu i Aleancës Kuq e Zi, Kreshnik Spahiu ka dalë me një deklaratë të fortë. Nisur nga thirrja e Presidentit Meta që emigrantët të rikthenin në vend dhe të marrin në dorë fatet e Shqipërisë, Spahiu shkruan në një postim në rrjetet sociale se emigrantët ikën nga politikanët shqiptarë dhe jo nga klima e natyra.

Jo vetëm kaq, Spahiu zbulon se ai vet do të rikthehet në vend kur të ikin nga skena politike Edi, Luli, Monika e Meta.

Postimi i plotë:

“#KOMIKE: Presidenti Meta paska bërë thirrje që emigrantët të rikthehen dhe marrin në dorë fatet e Shqipërisë.

Ditën që do largohesh ti, Edi, Luli dhe Monika nga politika, do rikthehem jo vetëm unë që kam 4 vjet, por edhe arbëreshët që ikën pas vdekjes Skënderbeut 640 vjet më parë.

Emigrantët ikën nga këto fytyra, jo nga klima dhe natyra”, – shkruan Spahiu.