“Jeni mirë ju apo jo”, Ahmetaj ngrihet në këmbë dhe përplaset me gazetarin e njohur

Ministri për Rindërtimin, Arben Ahmetaj është përplasur me gazetarin Robert Rakipllari lidhur me inceneratorin e Fierit.

Rakipllari tha se Fieri nuk ka asgjë, ndërsa sipas tij, është bërë pagesa e plotë nga qeveria për investimin.

Ahmetaj u shpreh se inceneratori fillon punë brenda dy muajsh.

Pjesa nga biseda

Rakipllari: Fieri nuk ka asgjë. Ku është Fieri?

Ahmetaj: Jeni serioz ju apo jo? U ndjeve keq më parë kur dhashë argumente. Diferenca mes PPP dhe prokurimit publik është se kur bëhet rruga, bëhet situacioni i rrugës, paguhet menjëherë, ndërsa në rastin e PPP, bëhet puna për 1 vit dhe paguhet për 7 vite si në rastin e Elbasanit. E njëjta gjë vlen edhe tek Fieri. Tek Fieri kemi dy elementë

Rakipllari: Pse janë paguar 22 milionë euro për Fierin dhe nuk punon akoma?

Ahmetaj: Jeni mirë ju apo ju. Këtu flitet për TVSH-të. Janë investuar më gjithë impiantin mbi 20 e ca milionë euro dhe në dhjetor bëhet gati për ndezje.

Rakipllari: Raporti i ministrisë thotë se janë paguar 100%

Ahmetaj: Kush more. Po ka planifikim buxhetor. Po i ngatërron. Është 100% i planifikimit buxhetor, jo investimit. Lexojë. Pse nuk e lexon. Ma jep mua..

Rakipllari nis të lexojë: Atëherë plan fakt.

Ahmetaj: Po plani buxhetor pra. Thuaj pak më fal publikut. Nuk kupton si funksionon plani buxhetor. Duhet të kërkosh falje.