Ja kush mund të hyjë në Greqi pa test PCR

Për hyrje në Republikën e Greqisë nga data 17 gusht, nuk nevojitet test negativ PCR vetëm për shoferët e automjeteve transportuese, informojnë nga MPB-ja.

MPB-ja dje bëri të ditur se nga dita e hënë 17 gusht e deri më 31 gusht të vitit 2020, në vendkalimin kufitar “Evzoni”, vendoset protokoll i ri sipas të cilit, vetëm në periudhën prej orës 6 e deri në orën 22 sipas kohës së Maqedonisë së Veriut, hyrje në Greqi do të mund të realizojnë vetëm shtetasit grekë, shtetas të vendeve të treta të cilët kanë qëndrim të rregulluar në Greqi, personeli diplomatik EULEKS dhe anëtarë të familjeve të tyre, persona të cilët udhëtojnë për arsye mjekësore dhe biznesi, ndërsa të cilët paraprakisht janë paralajmëruar dhe kanë marrë aprovim për udhëtim nga Ambasada e Republikës së Greqisë jashtë vendit, si dhe shoferët e automjeteve transportuese.

Njoftimi i Ministrisë së Punëve të Brendshme vijon pas informacioneve të marra nga ana e shërbimit kufitar grek nga vendkalimi kufitar “Evzoni” për protokollin e ri për hyrje në Greqi në vendkalimin e njëjtë.

“Të gjithë këta persona që të realizojnë hyrje në Greqi në vendkalimin kufitar “Evzoni” nevojitet të paraqesin teste negativ PCR për Kovid-19 nga laborator i certifikuar në gjuhën angleze, jo më të vjetër se 72 orë dhe shtojnë se mbetet detyrimi për paralajmërimin elektronik paraprak dhe marrjen e dokumentit PLF (Passenger Locator Form).