“I kam marrë para borxh motrës”, Bushpepa e thotë troç në mes të emisionit: Ky është vendimi më i gabuar në jetën time!

Këngëtari Eugent Bushpepa ishte i ftuar mbrëmjen e djeshme në emisionin ‘Soiree’. Ai dha një super performancë të këngës së tij “Pranë Finishit” dhe ndër të tjera ka folur për shumë detaje nga jeta e tij që nuk i dinim. Eugenti është surprizuar nga e motra e tij e madhe Etleva,. Ka qenë ajo që i ka prezantuar e para grupin e njohur “The Doors” dhe që nga ai moment, ai u dashurua kaq shumë pas muzikës rock.

Në një pyetësor vëlla-motër, Jonida Shehu i ka pyetur se cili është vendimi më i gabuar që ka marr Eugenti.“Që hapi lokalin”, është përgjigjur e motra, ndërsa Eugenti tha që vendimi më i gabuar që ka marrë motra e tij është që i ka dhënë para borxh për ta hapur. Siç dihet Eugent Bushpepa ka hapur një lokal në kryeqytet, por mesa duket është penduar dhe gjërat nuk i shkuan siç i kishte planifikuar.