Deklarata e papritur e deputetit: Vetëm nëse ndodh kjo do ia jepja votën time Bashës

Deputeti i Opozitës parlamentare, Halit Valteri deklaroi se nëse Lulzim Basha do të kishte nevojë për votën e tij që të ishte në krye të qeverisë, do t’i jepte mandatin e tij. Valteri thotë se kjo do të ndodhë vetëm nëse PD-ja do t’i kërkonte falje publikut për të gjitha ofendimet që i ka bërë atij dhe kolegëve.

“Nëse do të kisha një mandat deputeti do të doja gjithmonë të isha në opozitë. Pse jo do t’ia jepja se unë vij nga PD-ja, unë jam marrë me PD që 15 vjeç, kam 14 vite që jam marrë me atë parti. Kam aksionet e mia, 0.002% janë të miat në PD, gjithkush ka aksionet e veta në PD, aq sa ka Luli aq sa ka Berisha, se unë kam vendin tim në atë parti. Unë ,mund të ndërroj katër a pesë por kam vendin tim në atë parti. Do t’i bashkohesha por duhet t’i kërkonte falje publikut për të gjitha ofendimet që më ka bërë mua e kolegëve të mi”, tha Valteri.

Në lidhje me komisionin e mbledhur për shkarkimin e presidentit Ilir Meta, Valteri thotë se seanca e radhës nuk do të kalojë edhe aq pa u ndjerë sepse ka ende deputetë me cipë që nuk do ta lejojnë të kalojë aq në heshtje kjo marrëveshjen mes presidentit dhe kryeministrit. Ai tha se komisioni gjeti shtegun për faljen e metës dhe se nëse do të kisha 84 vota ai do të ishte burgun e Drenovës ose Recit.

“Ne e dimë shumë mirë eksperiencën e komisioneve parlamentare, asnjë çështje nuk është çuar deri në fund, gjithmonë është gjetur shtegun për të devijuar për t’i bërë bisht konkluzioneve. Më erdhi keq se qytetarëve iu krijua një pritshmëri që peshqit e mëdhenj që i humbën ambasadorit të kaluar do të futen në tiganin e drejtësisë. Por shoh prapë që jemi në pikën zero. Ata 55 deputetë që nëse ata kanë surrat që tu dalin para familjarëve të tyre duhet që në seancën e radhës të votojnë për atë që u ngrit ky komision(shkarkimin e Metës). Janë zhvilluar dhjetëra takime, janë shpenzuar taksat e shqiptarëve, por tregoi që kjo qeveri shpërdoron mundin, nervin e djersën me nisma të kota. Në këtë seancë nuk do të kalojë edhe aq pa u ndjerë sepse ka ende deputetë me cipë që nuk do ta lejojnë të kalojë aq në heshtje kjo marrëveshje mes presidentit dhe kryeministrit. Komisioni gjeti shtegun për faljen e metës. Nëse do të kisha 84 vota ata do t’i gjenit në burgun e Drenovës ose Recit. Pro shkarkimit do të jetë jo vetëm vota ime. S’jam kundër Ilir Metës si personazh, as si qytetar por kundër si president i republikës, sepse më shumë bën opozitën se presidentin. Nëse do të kërkonte mendimin tim do të ishte mirë të ikte nga posti dhe të bëhej në krye të opozitës. Që prej 2 marsit nuk ka ndodhur asnjë protestë, se ka pasur marrëveshje. Ata janë në marrëveshje prej 30 vitesh, janë po të njëjtët, por thjesht kanë luhatje të humorit me njëri- tjetrin, se kur vjen puna për marrëveshje, ata kurrë nuk kanë qenë të ndarë”, tha Valteri.