Arti në zi, COVID-19 i merr jetën aktorit dhe zyrtarit të lartë shqiptar, Erion Veliaj jep lajmin e trishtë: Nuk e mundi dot këtë flamë 

Kryebashkiaku i Tiranës, Erion Veliaj ka dhënë një lajm të hidhur mëngjesin e sotëm. Përmes një postimi në rrjetet sociale, Veliaj njofton se ka humbur betejën me COVI-19 aktori i njohur shqiptar, Valter Gjoni.

“Valteri ynë gojëmjaltë e zemërbardhë nuk e mundi dot këtë flamë të pabesë. I shërbeu qytetit tonë me dashuri përditë për 4 dekada, duke lënë sot një boshllëk të pangushëllueshëm për familjen dhe mijëra kolegë e miq që e njohën dhe e deshën si kujtesa historike e Tiranës.”, shkruan Veliaj.

Valter Gjoni numëron me dhjetëra role në teatër dhe kinematografi. Gjoni, 66 vjeç, ishte drejtor i Protokollit në Bashkinë e Tiranës.