Artan Hoxha zbulon aplikacionin që përdorin trafikantët për të komunikuar (FOTO)

Gazetari investigativ, Artan Hoxha, ka zbuluar se si njerëzit e krimit në vend e në botë komunikojnë me njëri tjetrin. Në foton e postuar prej tij duket telefoni personal në të cilin qëndron i hapur një aplikacion i cili quhet ‘SKYECC’, një aplikacion i përdorur gjërësisht nga bosët e krimit.

Fillimisht rrjeti social në të cilin kryheshin të gjitha bisedat problematike ishte sistemi “EncroChat”, ku aderonin rreth 60.000 kriminelë në të gjithë botën, por pas zbulimit nga policia ky aplikacion pushoi së funksionuari.

Por zëvendësimi i tij ka ardhur shumë shpejt dhe tani rrjeti i preferuar i kriminelëve duket se quhet ‘SKYECC’ me bazë në Vankuver dhe që konsiderohet tepër i vështirë për t’u hakëruar.