Anastas Janullatos infektohet me Covid, niset me urgjencë drejt Athinës

Kryepeshkopi Anastas Janullatos është infektuar me Covid-19, çka ka sjellë përkeqësim të gjendjes së tij shëndetësore. Top Channel mëson se kryepeshkopi Janullatos do të niset me urgjencë drejt Athinës me një avion ushtarak grek, të llojit C 130, i cili është nisur nga aeroporti i Elevsinës për në Tiranë.

Burime ekskluzive bëjnë të ditur se shëndeti i tij paraqitet i rënduar. Në qershor të këtij viti, Janullatosi iu nënshtrua një ndërhyrjeje kirurgjikale, për shkak se pësoi një atak kardiak në zemër. Nisur nga çfarë u raportua, kryepeshkopi kishte shfaqur probleme me zemrën, pak para operacionit.