Akuzat e shumta të ditëve të fundit, Lulzim Basha ‘thyen heshtjen’ dhe i përgjigjet Ramës: Ja si qëndron e vërteta

Kreu i Partisë Demokratike, Lulzim Basha i është përgjigjur kryeministrit Rama për akuzut për përfshirjen në përgatitjen e raportit të Dick Marty, si dhe për fshehjen e kasetës së masakrës së Krushës. Përmes një postimi në rrjetet sociale, Basha shkruan se Rama po gënjen dhe sulmon opozitën, në vend që të punonte për qytetarët shqiptarë.

Përmes videos së publikuar, Basha ka treguar anën e tij të historisë, për akuzat që i janë bërë deri më sot, duke i ballafaquar faktet. “Rama është kapur përsëri duke gënjyer dhe sulmuar opozitën, në vend që të punonte për njerëzit.

Shqipëria është në krizë ekonomike dhe shëndetësore dhe ai nuk bën asgjë! Shpërndani të vërtetën me zë dhe me figurë duke ju zbuluar gënjeshtrat e Ramës dhe të gjithë mercenarëve të ti”, shkruan Basha.