A do jetë sërish deputet përballë Ramës në Durrës? Sali Berisha i tregon të gjitha

Ish-kryeministri Sali Berisha ka folur për zgjedhjet e ardhshme parlamentare që do të mbahen në 25 prill.

Ai  ka konfirmuar se do të jetë në listat e Partisë Demokratike si kandidat për deputet. Berisha  ka thënë se nuk do të tërhiqet nga beteja, ndërsa ka shtuar se karriera e tij politike ka përfunduar në 26 qershor 2013, por do të vazhdojë për arritjen e qëllimeve të PD.

I pyetur se pse nuk kandidon përballë Ramës në qarkun e Durrësit, Berisha është shprehur se nuk është ai në krye të betejës, por është në betejë në pozicionin e tij.

“Do të vazhdoj betejën. Do të shoh situatën dhe rrethanat. Nga beteja nuk tërhiqem kurrë”, ka thënë Berisha.